1. O concurso terá lugar en O Porriño, no entorno da praza do Concello, o xoves 22 de maio de 2025.
2. Ubicación: cada participante desfrutará dun lugar asignado pola organización. Os e as participantes non poderán cambiarse de sitio, salvo condicións meteorolóxicas adversas (nese caso, reubicaríanse noutro lugar).
3. Participantes: só se admitirán candidaturas de persoas maiores de 16 anos.
4. Inscrición: os e as candidatxs poderán inscribirse enviando un correo electrónico a pinturarapida@festivaldecans.com con data límite, domingo 11 de maio.
A tal efecto, no correo deberán manifestar o seu desexo de participar no concurso e incluir os seus datos persoais (engadindo as súas contas en redes sociais, se as teñen), a súa formación e un portfolio, ben sexa imaxe, documento en pdf ou calquera outro formato no que se poidan ver algúns dos seus traballos.
5. Participantes: serán elixidos por rigurosa orde de inscrición, ata un número máximo de 10.
Chegada a data de límite de inscrición, se lles comunicará a aquelas persoas a súa condición de participantes no concurso.
6. Horario: a obra deberá ser pintada entre as 15h e as 20.30h.
7. Temática: “Pintar o cine”. Será preciso elaborar unha obra que conteña unha escena dunha película coñecida e que inclúa a silueta do can de Cans (permitirase levar fotografía como guía).
8. Soporte e material:
- A técnica será libre e o soporte será presentado en branco para o sellado no propio día.
- As dimensións mínimas do lienzo ou taboleiro serán de 55 * 46 cm. e as máximas de 100 * 120 cm.
- Cada participante aportará o material necesario para a elaboración da súa obra.
*A organización facilitará aos e ás participantes auga para a realización de mezclas e o lavado de material.
8.1. Manutención: a media tarde a organización aprovisionará a cada participante cun pack merenda.
9. Xurado: estará composto por tres persoas relacionadas co mundo da arte. A súa composición será anunciada antes do concurso.
10. Votación: as obras serán expostas de 20.30h a 21.30h nos seus respectivos soportes e serán evaluadas polo xurado, que lles comunicará aos ou ás gañadorxs o veredicto na mesma xornada (posteriormente o resultado será comunicado a través das redes sociais do festival). A decisión do xurado será inapelable.
11. Premios.
- 1º Premio: 450€ + Estatuiña en pedra realizada polo artesano local Paco Candán.
- 2º Premio: 250€ + Estatuiña en pedra realizada polo artesano local Paco Candán.
- 3º Premio: 100€ + Estatuiña en pedra realizada polo artesano local Paco Candán.
Os Premios serán entregados aos gañadorxs durante a Noite das Homenaxes que terá lugar en Cans o venres 23 de maio.
A obra gañadora pasará a ser propiedade do Festival de Cans, o cal se reserva os dereitos sobre a mesma, incluido o de reprodución, sen negar a autoría do / a artista. O resto de obras serán recollidas polos autorxs ao rematar o concurso, o xoves 22 de maio.
11.1. Lote de pintura.
Todos os e as participantes recibirán un lote de pintura cedido polo noso colaborador, Pinturas Damián Domínguez.