PREFIRO CONDENARME

Coa presenza da directora, Margarita Ledo

Amosaremos as primeiras imaxes inéditas do novo filme de Margarita Ledo, Prefiro condenarme, cuxo rodaxe se realizou nos meses de xaneiro e febreiro. Margarita Ledo foi Premio Pedigree de Honor do Festival de Cans en 2022, ano no que o certame adicou unha retrospectiva a súa obra realizada en pezas curtas.

Dirección: Margarita Ledo. Produción: Nös. Xénero: Documental. Vai de: Tras filmes de fonda pegada feminista que provocan no espectador reflexións a longo prazo, como A cicatriz branca ou Nación, Margarita Ledo regresa cunha historia onde as mulleres volven a estar no centro do relato. Estado: en fase de postprodución.

SAN SIMÓN

Coa presenza do director, Miguel Ángel Delgado

festival-de-cans-2024-fillos-de-cans-san-simon

O cineasta leonés Miguel Ángel Delgado, que pasou por Cans tamén noutras edicións, acaba de rematar a rodaxe do seu filme debú San Simón, filmado en gran parte nesta illa.

Dirección e guión: Miguel Ángel Delgado. Produción: Miramemira e Morelli Producciones. Xénero: Ficción, Drama. Vai de: Un traballo onde indaga na memoria da Illa con toda a súa carga simbólica, marcada como lazareto ou como lugar de represión durante o franquismo. Estado: En fase de montaxe.

DA TÚA MAN PARA A MIÑA

Coa presenza dos directores, Fran Rodríguez e Coral Piñeiro

Primeira longametraxe documental desta parella de mozos cineastas que forman parte da interesante iniciativa Cinema Memoria, creada para traballar coa memoria democrática. Coral Piñeiro, codirectora da curta Mariví, na pel da memoria, levou o ano pasado o Premio do Xurado na competición de Furacáns.

Dirección e Guión: Fran Rodríguez e Coral Piñeiro. Xénero: Documental experimental. Produción: Miramemira. Vai de: Proxecto que indaga na memoria da aldea natal dos autores, Traspielas, no interior despoboado da provincia de Pontevedra. Estado: en fase de postproducción.

THE CHESSKID

Coa presenza de Xosé Zapata

Dirección e guión: Xosé Zapata e Lorenzo Degl´Innocenti. Despois de ter acadado en 2022 o Premio Goya á Mellor curta de animación con The Monkey (Premio do Público en Cans), a dupla formada polo galego Xosé Zapata e Lorenzo Degl’Innocenti regresa ao festival para presentar as primeiras imaxes da súa nova longametraxe, The Chesskid. Vai de: O filme parte da curtametaxe anterior Mr. Fischer´s Chair, sobre a mítica partida de xadrez entre Bobby Fischer e Boris Spassky. O proxecto será coproducido polo mesmísimo Woody Allen, quen tamén puxera a súa voz en off na curta. Estado: en desenvolvemento.

360 CURVAS

Coa presenza de Ariadna Silva e Alejandro Gándara

Dirección e guión: Ariadna Silva e Alejandro Gándara. Ariadna Silva, cun interesante traballo como fotógrafa, participou en dúas edicións na categoría Furacáns do Festival de Cans. Alejandro Gándara, pola súa banda, foi codirector do documental Dorothée na vila, que pasou por varios festivais galegos. Vai de: Documental que recolle a singular historia das loitas sociopolíticas de A Fonsagrada na década dos 90 do pasado século. Unha historia de reinvindicacións fronte ao abandono, ao illamento e á amenaza de despoboamento. Estado: en montaxe.

PETRÓLEO

festival-de-cans-2024-a-que-andas-petroleo

Dirección e guión: Álvaro Pulpeiro. Cineasta galego afincado entre Madrid e Barranquilla que este ano participa na quinta edición das Residencias da Academia do Cine Español. Vai de: Impulsado pola crise enerxética, Juan (36), un enxeñeiro enviado desde occidente, penétrase en Venezuela coa tarefa de avaliar un dos maiores xacementos petroleiros do mundo. Tras unha vertixinosa viaxe é incapaz de levar a cabo o estudo e, temendo a traizón do seu contacto local, foxe auxiliado por Andrea (30), unha moza que emprende o seu propio camiño ao exilio. Estado: En fase de financiación.

ANA E MÁIS NÓS

festival-de-cans-2024-a-que-andas-ana-e-mais-nos

Dirección: María Yáñez. Guión: Cibrán Tenreiro e María Villamarín. María Yáñez, xornalista e guionista, participa en proxectos que visibilicen a cultura galega fóra de zonas de confort. En 2014 dirixiu o documental Cancasete, sobre o Festival de Cans. Vai de: Ana Kiro, gran estrela da canción en galego, forxou ou seu status de diva popular nos anos 70 e 80, percorrendo as verbenas de Galicia e actuando diante de milleiros de persoas para a emigración galega en Europa e América Latina. Un ensaio cinematográfico sobre o poder emocional da chamada “canción lixeira”, nunha cultura minorizada e marcada polos procesos migratorios. Estado: En fase de desenvolvemento.

A RAÍZ

festival-de-cans-2024-a-que-andas-a-raiz

Dirección e guión: Noemí Chantada, unha cineasta ben coñecida en Cans, onde tivo un enorme éxito coa curta “Xoves de comadres”, que acadou catro premios en 2020, e a Biznaga de Prata no Festival de Málaga. Coa súa anterior curta, “A muller invisible” (2018), xa obtivera en Cans unha Mención Especial. Vai de: Tres semanas despois da morte da súa nai, unha filla comeza a recoller todos os enseres que deixou na súa casa. Neses momentos duros comezan reflexións que van desde a culpa ao amor por unha nai. Estado: en fase de desenvolvemento.

TODO É CÁRCERE

festival-de-cans-2024-a-que-andas-todo-e-carcere

Dirección e guión: Eloy Enciso. O director de Arraianos (2012) e Longa Noite (2019) volve a indagar no inferno da guerra civil española a través dunha serie de lugares de memoria hoxe reconvertidos ou esquecidos. Vai de: Unha viaxe por Galicia e o territorio español a partir dos lugares nos que existiron campos de concentración e prisións franquistas. Poñendo en conversación os relatos sobre o día a día daquela reclusión, co estado e usos deses espazos hoxe en día, a película pon de manifesto a extensión e magnitude dun dos episodios máis escuros e descoñecidos do franquismo. Estado: en preproducción

SERENADE

Dirección e guión: Pedro Díaz. Primeira longametraxe deste autor que participou en Cans en varias edicións. O seu último traballo, “La Entrega”, tivo a súa estrea absoluta en Cans, onde recibiu o Premio do Público, para logo rematar entre as nominadas ao Premio Goya á Mellor curtametraxe. Vai de: Na Galicia dos anos 90, unha avoa, unha nai e unha filla, ventando unha morte cercana, ven como se tambalea o seu sistema de crenzas e o cuestionamento dos seus valores tradicionais. Estado: en desenvolvemento.

ALEVOSÍA

festival-de-cans-2024-a-que-andas-alevosia

Dirección e guión: Sara Casasnovas. Alén da súa carreira como actriz, presenta o proxecto co que salta á longametraxe, tras anteriores curtas tamén proxectadas en Cans, sendo noutras ocasións xurado do Festival. Vai de: Un fan namórase do personaxe dunha telenovela e, obsesionado por posuílo, trata de secuestrar á actriz que o interpreta. Traballo que reflexiona sobre o fenómeno fan, os danos colaterais da fama e a industria do espectáculo. Un retrato do acoso a artistas mediáticos, a progresiva perda de liberdade persoal a medida que a audiencia sente ao “personaxe” da súa pertenza e a consecuente invasión do seu espazo íntimo. Fundamentada na voz lexítima dun caso real. Estado: En búsqueda de producción.

ALUMBRAMIENTO

ALUMBRAMIENTO (FILME DE APERTURA)

Xoves 23 | 20.00h | Círculo Recreativo Cultural do Porriño
Coa presenza de María Vázquez, Sofía Milán e Pau Teixidor

festival-de-cans-2024-longametraxes-alumbramiento

Dirección: Pau Teixidor Produción: Aquí y Allí films, Minoría Absoluta Guión: Lorena Iglesias e Pau Teixidor Dirección de fotografía: Pepe Gay de Liébana Música: Petre Bog Montaxe: Mamen Díaz y Pedro Collantes Reparto: María Vázquez, Sofía Milán, Manuel Zarzo, Laura Gómez-Lacueva, Carmen Escudero, Malena Gutiérrez Vai de: España, 1982. Marisa (María Vázquez) decide levar á súa filla a Madrid co fin de dar solución a un embarazo non desexado. Lucía (Sofía Milán) termina ingresando en Peñagrande, un reformatorio para adolescentes embarazadas. Alí forxará unha forte amizade coas súas compañeiras e descubrirá que se lle quere arrebatar aquilo que aínda non ten: o seu propio fillo.

O detalle: Acaba de ser premiada como Mellor dirección no Barcelona Film Festival (BCN Festival), onde as grandes interpretación das actrices levaron a que o elenco recibira de xeito colectivo o Premio á Mellor Interpretación Feminina.

ENCONTRO CO PÚBLICO
Ó rematar a proxección, haberá unha charla co director Pau Teixidor, e María Vázquez e Sofía Milán, actrices.

O CORNO

Xoves 23 | 17.00h | Círculo Recreativo Cultural do Porriño

2023 | 99’ | España, Portugal, Bélxica | Galego, Portugués

Dirección e guión: Jaione Camborda Produción: Esnatu Cinema, Miramemira, Elástica Films Fotografía: Rui Poças Montaxe: Cristóbal Fernández Música: Camilo Sanabria Reparto: Janet Novás, Siobhan Fernándes, Carla Rivas, Daniela Hernán Marchaán, María Lado, Julia Gómez, José Navarro, Nuria Lestegás y Diego Anido. Xénero: Drama Vai de: Illa de Arousa, 1971. María é unha muller que se gaña a vida mariscando. Tamén é coñecida na illa por axudar a outras mulleres nos seus partos con especial dedicación e coidado. Tras un inesperado suceso, vese obrigada a fuxir e comeza unha perigosa travesía que lle fará loitar pola súa supervivencia. Buscando a súa liberdade, María decide cruzar a fronteira por un dos roteiros de contrabando entre Galicia e Portugal.

O detalle: Un ano despois de ter participado na sección Fillas e Fillos de Cans amosando as primeiras imaxes de O Corno, Jaione Camborda volve ao festival como flamante gañadora da Cuncha de Ouro no Festival de San Sebastián, e cun Goya para a súa protagonista, a porriñesa Janet Novás.

Xoves 23 | 13.00 | Torreiro
Encontro con Jaione Camborda e Janet Novás

AS NEVES

Venres 24 | 17.30h | Baixo de Bugarín

2024 | 83’ | España | Galego Dirección e guión: Sonia Méndez Produción: Aquí y Allí Films, Cósmica Producións Fotografía: Lucía C. Pan Montaxe: Juliana Montañés Música: Andy Bell Reparto: Andrea Varela, David Rodríguez, Lucía Veiga, Antía Mariño, Xacobe Bruña Alonso, Irene Rodríguez Vence, Diego Caro, Jenny Soto Romarís, Santi Carmena Rico, Adriana Fernandez Pazó, Luisa Merelas. Xénero: Drama adolescente, thriller rural. Vai de: As Neves é un remoto pobo de montaña onde todo o mundo coñécese. A noite de entroido a cuadrilla de adolescentes celebra unha festa e colócanse con cogomelos por primeira vez. Ao día seguinte espértanse coa noticia de que Paula, unha das mozas que estaba na festa, desapareceu. Mentres, un temporal de neve chega ao pobo e vainos deixando incomunicados e sen internet. A investigación da desaparición de Paula causará un cambio profundo na súa relación co mundo.

O detalle: Marabilloso debú na longametraxe da actriz e cineasta Sonia Méndez, quen participou como curtametraxista no Festival de Cans. Trala estrea mundial na pasada edición do Festival de Málaga, está xa nas salas de cinema de toda España.

ACORDAMOS

Martes 21 | 19.30h | Auditorio do Centro Cultural

2023 | 75’ | España | Galego | Estrea

Dirección: Uxía Dirección técnica e Realización: Lucas Terceiro Asesora de Contidos: Montse Fajardo Dirección de produción: Conchi Carro Guión e presentación: Carmen Conde Son: Tito Ledesma Con: Marga Romero, María Fontán, Genito Otero, Dolores Dieste, Víctor Karallada, Luís Chapela, Xosé Alvárez Castro, Natalia Jorge, Luís Pastor, Marcelino Abuín e Andrés Giráldez Vai de: A Segunda República converteuse nun período de iniciativas pioneiras en Galicia, impulsadas por persoas que se movían entre os soños e a utopía. Proxectos de renovación pedagóxica, de cooperativas de financiación ou de pioneiros centros culturais, ata que a irrupción do franquismo arrasou con todos estes proxectos. Acordamos é unha viaxe á memoria destes proxectos, a través de interesantes aportacións musicais inéditas como Malvela e Celina da Piedade e Ana Santos, Quilma e As Divinas, Woyza e Maria Faltri, SonDaRúa, Luis Pastor e Antía Muíño ou Treixadura.

Proxección Homenaxe a Kepa Junkera

Mércores 22 | 19.00h | Baixo de Carlos

Trala ruada musical do Torreiro ata o Jaliñeiro, onde descubriremos a placa homenaxe a Kepa Junkera, proxectaranse dúas curtametraxes documentais inéditas, arredor da vinculación deste músico co Festival de Cans. Coa presenza de Kepa Junkera e dos directores Susana Sotelo e Martín Rodas. Tamén se proxectará o avance do videoclip Para Kepa, dirixido por Juan Lesta, que se estreará na Noite dos Veciños.

festival-de-cans-2024-longametraxesde-merexo-a-kepa

DE MEREXO A KEPA
2024 | 5’ | España | Español | Estrea absoluta

Dirección: Susana Sotelo e Iria Lema Produción: Festival de Cans Xénero: Documental Vai de: No ano 2013 Kepa Junkera chegou a Galicia para contactar, nos lugares máis remotos, con moitos músicos que él consideraba que eran as fontes do tesouro da música tradicional galega. O resultado foi o emocionante disco “Galiza”. Un daqueles músicos era o acordeonista Pazos de Merexo, histórico músico da Costa da Morte. As directoras, Susana Sotelo e Iria Lema, recollen aquí o emotivo encontro de Pazos con Kepa.

O detalle: O proceso non puido culminarse, pero esta curta documental inédita quedou, despois de falecer Pazos, como unha testemuña fascinante.

festival-de-cans-2024-longametraxes-cans-con-K

CANS CON K
2024 | 19’ | España | Galego | Estrea absoluta

Dirección e montaxe: Martín Rodas Cámaras: Adrián Van Alten, Martín Rodas Con: Kepa Junkera, Cristina Pico, Carolina Vázquez, Pazos de Merexo Xénero: Documental Vai de: En maio de 2014, Kepa Junkera realizou unha actuación memorable no histórico Jaliñeiro da Casa de Pedreiro, no Festival de Cans. Naquel momento, o realizador Martín Rodas rexistrou para o arquivo de Gz Música, o emotivo pasarrúas de Kepa polos camiños da aldea e a actuación no Jaliñeiro, aclamado por unha multitude. Poucos meses despois Kepa sufriría o accidente que o apartou da música, polo que esta actuación cobrou unha dimensión única.

O detalle: Rodas busca nesta obra unha cercanía orgánica co artista, coa cámara moi pegada a él. Ademáis, recupera moitos minutos de arquivo que permanecían inéditos, con imaxes a veces deterioradas polo tempo. Un documento irrepetible.

.JPEG

2023 | 4’53” | España | Galego | Estrea absoluta

Dirección, produción, guión, fotografía e montaxe: Anxo González Música: Dani Iglesias Xénero: Ensaio Vai de: A peza nace do interese persoal do realizador polo valor das imaxes físicas, fronte á perda de interese das imaxes dixitais, que desaparecen por descuido, olvido ou eliminación.

O detalle: Curta debú deste director de Ponteareas que estudia na Universidade de Vigo.

TOXOS

2023 | 13’ | España | Galego

Dirección, produción e guión: Jacqueline Reimúndez Fotografía e Montaxe: Samuel Román Música: Vicente Couceiro Reparto: Mariña Gestoso, Nicolás Silva, Carla Álvarez, Rubén Buezas, Paloma San Martín, Iria León, Gonzalo Valcárcel Xénero: Aventuras, Familiar Vai de: Historia de aventuras que viaxa polas lendas e o misticismo galego da man de catro rapaces e rapazas de 12 anos e unha cadela. A súa curiosidade tras ler un libro de mitos populares, lévaos a querer descubrir a veracidade dunha lenda que conta a historia dunha grade de ouro agochada no río Ulla.

O detalle: Toxos nace como traballo de fin de grao de tres alumnos de Comunicación Audiovisual da Universidade da Coruña (Anxo Cambón, Jacqueline Reimúndez e Samuel Román). O traballo consegue acadar a matrícula de honra e o premio a mellor TFG de Temática Galega.

TAQUIÓN

2023 | 3’40’’ | España | Galego. Estrea absoluta

Dirección, produción, guión, fotografía, montaxe e música: Miguel Barcia Reparto: Miguel Barcia Xénero: Ciencia ficción experimental Vai de: Un mozo contrúe unha máquina do tempo na que viaxa por múltiples recordos dos seus antepasados.

O detalle: Relato de ciencia ficción que combina videos caseiros con fotogramas impresos e escaneados cos que se suxire a distorsión dos recordos.

TARA

2023 | 16’ 48’’ | España | Galego

Dirección e guión: Rebeca Tella e Daniel Filloy Produción: Lucía Blanco, Miguel Barcia, Rebeca Tella e Daniel Filloy Fotografía: Miguel Barcia Montaxe: Rebeca Tella Reparto: Amalia Barreiro, Uxía Suevos, Sandra Cao, Pablo Loureiro, Ana Alfaya, Chinweike David, Pedro Galocha, Rubén Sotelo, Pepa Sofía, Mateo Filloy, Rober de Vigo Xénero: Ficción Vai de: Nas súas máis ostentosas galas, un distinguido grupo de individuos reúnese para celebrar un banquete. Todos ocultan a súa identidade pero son libres de revelar a súa esencia, pois neste lugar apenas hai normas. Despois de retirar os entrantes, o servizo coloca unha gran bandexa misteriosa na mesa.

O detalle: Segunda colaboración de Rebeca Tella e Daniel Filloy despois de codirixir o díptico documental Sinto / Penso.

A MIRADA DELAS

2024 | 14’ 49’’ | España | Galego | Estrea absoluta

Dirección, guión e montaxe: Clara Maseda da Veiga Produción: Miramemira y Amorambre Films Fotografía: Alejandro Rodríguez Xénero: Documental Vai de: “Miña nai sempre me dixo que podía ser o que eu quixese. A través de videos caseiros gravados na miña infancia, falo sobre a miña crianza e a miña relación coa arte. María, Catuxa e Aroa, tres artistas emerxentes galegas, completan esa reflexión mentres amosan o seu traballo”.

O detalle: Este documental abre un diálogo entre o arquivo doméstico e as entrevistas, tratando temas como a liberdade, a muller, a cultura no rural ou a importancia das raíces.

ILLA CORDURA

2023 | 11’ | España | Galego e Castelán

Dirección, produción, guión, fotografía, montaxe e música: Mario Fernández Filloy Xénero: Animación Vai de: O fareiro da Illa Cordura queda só cando o seu compañeiro marcha a terra firme. Nunha noite de tormenta atopa unha carta. A historia que esta relata e o medo á noite en soidade levarano aos límites da locura.

O detalle: Unha curta de animación 3D, cunha secuencia en 2D debuxada a man polo autor, Mario Fernández Filloy.

ÁNGEL DE PLÁSTICO

2024 | 14’ 9’’ | España | Castelán | Estrea absoluta

Dirección e música: Manu Sacoga Produción: Color2Dark Guión: Manu Sacoga, Nico Nargual y Marcos Herrera Fotografía: Daniel Iglesias Montaxe: Marcos Herrera Reparto: Pepa Sofía, Yoli Giráldez, Iván García, Nico Nargual, Paula Gavilán, Antía Vidal Xénero: Ficción Vai de: Naila anima aos seus amigos para buscar a casa da infancia de Yume como unha escusa para reunilos a todos. Pero eles danse conta das súas intencións: que non superou a Yume (que morreu) e que ten intención de unir un grupo desfeito.

O detalle: Traballo de fin de curso da Facultade de Comunicación da Universidade de Vigo.

SAINTE AGATHE

2023 | 7’ 28’’ | España | Castelán | Estrea absoluta

Dirección, fotografía e montaxe: Juan Ares Con: Agathe Vandeneycken Xénero: Documental Vai de: Agathe, unha xove de 22 anos con disforia de xénero, sómetese a unha operación de masculinización de tórax tras case dous anos de espera nun hospital público.

O detalle: O director decidiu documentar o proceso da súa amiga Agathe non só como “un recordo para ela”, senón tamén co obxectivo de que o relato puidese ser de axuda para persoas na mesma situación.

XOGO DE NENOS

2023 | 16’ 28’’ | España | Castelán

Dirección e guión: Miguel Romero Produción: Kasa Vella, Xurdir SL Fotografía: Dani Iglesias Montaxe: Julián Casal Música: Dav Ciuffardi, Ana Piñeiro Reparto: Pablo Loureiro, Pedro Galocha, Pepa Sofía, Sergio Peteira, Rober de Vigo Xénero: Terror Vai de: Miguel, Nico, Sara e Álex corren polo bosque, tratando de escapar de dous perseguidores que queren matalos. Álex non consegue fuxir e é asasinado. Agora só quedan tres, que terán que apañárselas, sen armas, para escapar con vida do bosque.

O detalle: Obra gañadora do premio a Mellor Curtametraxe da Facultade de Comunicación da Universidade de Vigo no concurso A Canteira de AUGAL.

EU QUERO UNHA PIPA

2024 | 5’6’’ | España | Galego | Estrea absoluta

Dirección, guion, fotografía e montaxe: Candela Conde Produción: Chanfaina Lab Xénero: Ensaio Vai de: “Atópote en cada paso, en cada casa vella que se desgasta co tempo, no movemento que produce o aire nas distintas superficies, en cada bar que abre e sirve cuncas de viño e nas partidas de cartas que se xogan nel, nos coches pequeniños que suben a modiño as costas, nos animais que pastan nas fincas, nas tarefas do campo, nos tractores que preparan a terra e nos rulos que se recollen ó final da tempada”.

O detalle: Terceiro ano consecutivo que Candela Conde participa no festival, despois de A casa dos avós e Es (ser) e ser un Espazo.

THE DEATH OF THE LAST FRANCOIST MAYOR (A morte do último alcalde Franquista)

2024 | 4’45’’ | España | Galego | Estrea absoluta

Dirección, guión, fotografía, montaxe e música: Andrew Finkelman e Lola Sounigo Produción: Andrew Finkelman Xénero: Ensaio Vai de: Un ensaio visual que ten lugar no enterro de Senén Pousa Soto, un alcalde nomeado por Franco que exerceu o cargo ata o 2023 na aldea de Beade, con 300 habitantes. Xuxtapoñendo o “Pacto do Esquecemento” de España coas celebracións públicas de Soto durante a ditadura, o filme contempla a memoria histórica e o esquecemento como ferramentas de transición.

O detalle: Andrew Finkelman (Portland, EEUU) e Lola Sounigo (Francia), chegaron a Galicia en 2022 cunha beca Fullbright e quedaron a vivir aquí.

CORRE O VENTO

2023 | 29’ 57’’ | España | Galego

Dirección, guión e montaxe: Paula Fuentes e Guillermo Carrera Produción: Laia Bellés Fotografía: Martín Ávila Música: Xan Sánchez Reparto: Nuria Lestegás, Nazario Vergara, Josefa Álvarez, Xan Sánchez, Carlos Castro, Evaristo Méndez Xénero: Híbrido Vai de: Branca visita ao seu avó nunha aldea escondida entre as montañas de Galicia. Coa súa chegada, a realidade no pobo comeza a transformarse. Os últimos habitantes resisten a desaparición do rural a través dos seus soños, recordos e memoria.

O detalle: Todos os personaxes, excepto Branca (Nuria Lestegás), son habitantes das aldeas do Courel.

YVONNE, THE POWER OF WORDS (Yvonne, o poder das palabras)

2023 | 9’ | España | Galego | Estrea en España

Dirección, guión, produción, fotografía e montaxe: Silvia Muiña Xénero: Documental Vai de: Yvonne é unha escritora que leva máis de vinte anos encamada. A súa saúde foise deteriorando por mor de sufrir un accidente de tráfico. Tras quedar encamada, decidiu empezar a escribir sobre os seus sentimentos e descubriu a poesía. A súa obra fala sobre a discapacidade, a depresión ou a frustación pero tamén fala do amor, da natureza e da vida.

O detalle: Silvia Muiña coñeceu a Yvonne traballando como coidadora en Inglaterra. Cando a aseaba e lle daba a comida, ela aproveitaba para lerlle algún poema dos libros que ela mesma autopublicaba.

PLATÓNICO, PLATÓNICA

2024 | 9’20’’ | España | Galego

Dirección, guión e montaxe: Xacio Baño Produción: Tamara Canosa Fotografía: Tono Mejuto Xénero: Ensaio Vai de: Xacio Baño continúa a súa investigación sobre a natureza das imaxes con este ensaio sobre o amor nos tempos da intelixencia artificial.

O detalle: Gañador ata en tres ocasións na categoría de ficción do Festival de Cans, Platónico Platónica tivo a estrea internacional na Sección Oficial de Documentais do Festival de Málaga.